Serokê Gıştî yê Partiya Wekhevî û Demokrasiyê (EDP) Ziya Halîs diyar kir ku ewê ji bo referanduma pakêta guherîna destûra bingehîn a di 12'ê Îlonê de dengê "erê" bi kar bînin.

Halis di daxuyaniya îro da de, destnîşan kir ku li Tirkiyeyê daxwaza ji bo destûreke azadîxwaz û wekhevîparêz ji roja qebûlkirina destûra bingehîn a 12'ê Îlonê ve heye û got, "Her çiqas di nava salan de 85 madeyên destûra bingehîn a 12'ê Îlonê ji nû ve hatibe nivîsandin jî, vê destûrê taybetiya xwe ya wesayetxwaz, otorîter û nedemokratîk parastiye."

Halis ku diyar kir guherîna dê here referandumê li paş "asta azadî û demokrasiyê ya civaka Tirkiyeyê gihîştiyê ye", got ku EDP dê piştî referandumê jî bibiryariya xwe ya ji bo giherandina Destûra Bingehîn a 12'ê Îlonê bidomîne.

Halis ku diyar kir Meclîsa Partiyê ya EDP'ê hefteya borî civiyaye û derbarê helwesta derbarê referandumê de diyar kiriye, wiha got:

"Em ji îktîdara AK Partiyê ku ev amade kiriye re dibêjin 'na'. Em dizanin ku guherîn têrê nakin. Divê Destûra Bingehîn a 12'ê Îlonê bi temamî bê guhertin. Civaka Tirkiyeyê destûreke azadîxwaz, demokratîk, civakî û sivîl heq dike. Civaka Tirkiyeyê nêzîk an dereng dê bigihîje destûreke bi vî rengî."

AKnews